Kaniadto maglisod kita og pangita og basehanan sa dili pa kita moingon og “I Love You” o “Gihigugma Ko Ikaw” ngadto sa mga tawo nga atong mataypan.
Apan karong panahona, dili na kaayo kulba ang pagsulti og “I Love You “ ngadto sa usa ka tawo. Dali na lang kaayo kining litokon gumikan kay daghan man kaayo ang kahulogan niini.
Haom kaayo akong topic karong panahona ilabi na nga nituntong na kita sa unang adlaw sa buwan sa gugma, ang February.
Niining higayona, atong tukion ang mga timaihan o kaha magsilbing basehanan kung nahigugma sa usa ka tawo nga buot nimo mapares sa usa ka romantic relationship.
1.Nagsugod na ka og CARE kaniya!
Pak! Dili gyud ka mahimutang basta dili ka makapangumusta kaniya. Mangutana ka, nikaon na ba siya o unsa ang iyang gibuhat. Dako na kaayo na nga senyales nga in-love na ka niya.
2. Magselos na ka!
Kung maka-feel gani ka og selos sa maskin kinsang tawo nga muduol niya nga wa ka kaila, awww! sa way pagduha-duha , in love na ka teee! Ayaw palabeeeh, hahaha.
3. Kanunay nimo siya nga huna-hunaon
Inig padulong nimo og tulog , lakip na inig mata nimo sa buntag, siya ang sulod sa imong hunahuna, awww!, klaro kaayong siya pod ang sulod sa imong kasing-kasing. LR! Lahi ra!.
4. Kung inspired ka tungod niya!
Kung siya ang imong inspirasyon sa tanan nimong pagabuhaton ug ganado kaayo kang maglihok-lihok . Yay, gugma pa more!
5. Makapahiyom kanimo
Kung makakita ka kaniya, seguradong molutaw gyud ang pahiyom sa imong panagway. Ang ubang tawo, mawala ang ilang stress, wagas na gyud te? Hahaha.
Lima lang kini sa daghan pa gyud kaayong timailhan nga nahigugma na ka sa usa tawo, busa una ka mahigugma, always bear in mind nga masinati gyud nimo ang kalipay ug kasakit. Maong karong FEB-ibig month, andam-andama ang imong kasing-kasing!
(Madungog si DJ Ronee sa 93.9 I-FM gikan sa Lunes hangtud sa Sabado sa programang Morning Thoughts , 9-11am ug ang iyang pag-RAP f, 11am-1pm )