EDITORYAL – Problema sa drugas
Edwin Ian Melecio (Banat) - October 8, 2014 - 12:00am

Dunay kapin singko milyones ka mga drug dependents dinhi sa Pilipinas apan kuwang ang mga pasilidad aron sila matabangan nga matangtang sa pagkagapos sa maong dautang bisyo.

Sa report sa Banat News penetsahan og Oktubre 7,2014,  sumala pa ni Dr. Rene Obra, ang pangulo sa Center for Behavioral Science sa Vicente Sotto Memorial Medical Center kuwang ra kaayo ang kasamtangang mga pasilidad, bisan tipuon pa ang publiko ug pribadong rehab centers sa nasud.

Matud pa niya, duna lang singko mil ka bed capacity ang kasamtangang drug rehab centers sa nasud. Nagpasabot kini nga kun mapuno ang tanang rehabilitation centers,  duna pay nahibiling 4.995 milyones nga drug addicts nga naglaroy-laroy sa kadalanan.

Niadtong adlaw nga Domingo, usa ka amahan ang mipatay sa tulo niya ka mga anak lakip na ang iyang ugangan. Pagkagumon sa drugas nga nabalahan pa g’yud og selos ang nakitang hinungdan nga nahimo niini ang krimen.

Husto si Obra sa iyang pamahayag nga dili lamang problema sa kapolisan o sa gobiyerno ang illegal drugs. Kinahanglang manginlabot ang katilingban batok niini.

Daghang mga nalambigit sa negosyo sa ilegal nga drugas ang padayong nag-enjoy sa ilang matawag na nga “immunity” gikan sa pag-aresto tungod kay walay nagpakabana.

Sila ang responsable sa kamatayon sa maong mga bata ug uban pang kinabuhi nga nausik tungod sa pagkagumon sa ginadiling drugas.

Kining mga nalambigit sa illegal drugs lakip na ang pipila ka mga anaa sa gobiyerno ug awtoridad aduna say mga pamilya.

Dili magdugay, moabot ang panahon nga sila ug ang ilang mga minahal sa kinabuhi maoy sunod nga mabiktima sa illegal drugs, kay matud pa ang gaba dili man magsaba.

 

 

BANAT NEWS BEHAVIORAL SCIENCE DAGHANG DILI DOMINGO DR. RENE OBRA DUNAY VICENTE SOTTO MEMORIAL MEDICAL CENTER
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with