“Patabang lang unta mi nimo Sir nga masulbad ning problema sa ilegal nga drugas kay nanaghan na man ang mga naninda diri’g shabu unya wala gyu’y nakabadlong.”
Brgy Damolog, Sogod, Cebu
“Sir Jun wala man gyud ni mawala ang namaligya’g ilegal nga drugas diri sa among dapit kanus-a man intawon ni masulbad nga daghan na kaayong mga batan-on nga nakat-on og adik-adik.”
Brgy Tungkil, Minglanilla, Cebu
“Grabe ning ilegal nga drugas nagkadaghan man pero wala man gyu’y bisa’g usa ka opisyal sa barangay mga nakahimo’g lakang para masumpo ni, naa ra sa luyo sa barangay hall ang balay nga gihimong suyopanan.”
Brgy Cabangahan, Consolacion, Cebu
“Sir wala may nakabadlong nga mga opisyal namo diri sa barangay anang magsuyop sulod sa gym daghang mga bata makakita sa ilang gihimo kuyawan mi basin makakat-on na sab hinuon og suyop ning mga bata.”
Brgy Pansoy, Sogod, Cebu
“Nagkadaghan na ang shabu diri sa among lugar puwerte nang hitaka ambot unsaon kaha ni pagsumpo kay way gihimo ang taga barangay unya ang mga polis sad wala say dakop gihimo makaduda kun protektor ni sila sa mga namaligya’g shabu diri.”
Brgy Sandayong, Tuburan, Cebu
“Pait kaayo among kahimtang diri sir Jun kay wala pa gyud ayuha ang waiting shed sa kadalanan wala mi kapasilongan kung maatlan kun mag-uwan mabasa gyud tawon mi luoy kaayo apil nang mga bata nga moeskwela.”
Brgy Catarman, Cordova, Cebu
“Palihog mi’g pukaw aning among mga opisyal sir Jun nga hatagan unta nila’g aksyon ning agianan diri nga grabe ka baha kun mag-uwan pila na mi ka tuig nag-antos sa hugaw aning lugara pero wala gyud magtagad ning mga gipili sa mga tawo.”
Brgy Sta Filomena, Alegria, Cebu
“Kining among tubig diri sa barangay wala nay agas hatdan ra mi’g tubig sa bombero sa lungsod unya kolektahan pa gyud mi og pang krudo sa truck kay wa nay budget ang lungsod, dugay na ni namong problema.”
Brgy Tingub, Mandaue City
“Magpatabang unta mi nimo bahin aning ilegal swertres duol ra gyud sa eskwelahan naa na sila sa tindahan kuyawan mi kay mga bata basin makat-on na aning sugala.”
Alang sa inyong mga reklamo text lang sa 09071678643