Drayber dakpan, trip cutting
RENBOR PATROL - Rene U. Borromeo (Banat) - June 28, 2014 - 12:00am

Kun modisisyon gani kamo nga mag-drive og public utility vehicles sama sa passenger jeepneys, tumana gayud ang inyong katungdanan.

Inigsakay pa lang sa inyo’ng pasahero sa gimaneho ninyo nga PUJ o taksi, inyo’ng katungdanan ang paghatod kanila sa dapit nga ilang kanaugan subay sa rota sa PUJ.

Ang dili ninyo pagtuman sa inyong katungdanan ug pakanaugon lang ninyo ang pasahero sa dapit kun asa mo gusto nga moliko ug mobuwag sa inyong rota, usa na ka kalapasan – maigo na kamo niini sa “trip cutting.”

Mga pasahero sa PUJ nga adunay plate numbers GVY-125 rota nga 09F wala motuman sa iyang katungdanan ngadto sa iyang mga pasahero kaniadto’ng Miyerkules sa gabii.

Ang iya unta nga rota gikan sa P. del Rosario moliko sa Junquera lahos na sa Colon, ug moliko disilya sa Colon paingon sa Mabini. Apan ang drayber ug ang iyang babaye nga kauban ug gamay’ng lalaki, mipakanaog sa mga sakay didto ra sa eskena Junquera ug Sanciangko.

Ang tumong sa drayber pagpakanaog sa mga pasahero mga makaliko siya demano sa Sanciangko. Wala siya maluoy sa mga sakay nga naghabo-habo pa sa mao’ng higayon.

Usa sa mireklamo, misugilon kanako nga puwerte’ng isoga sa babaye nga kauban sa drayber ug niadtong batan-on nga lalaki nga nakig-away sa lalaki nga pasahero.

Nakapanglingo-lingo ko nga naminaw sa gisugid kanako. Kini maoy rason nga gihangyo nako ang hepe sa LTO operations branch nga si Joel Maloloy-on nga mohimo og operation, pangitaon ug dakpon ang drayber.

Giswerte kay kagahapon nasakpan nila ang sakyanan nga gimaneho ni Stephen Doria nga miagi atubangan sa opisina sa LTO. Kay dili man ako ang “main complainant,” gipatakda nako karong Lunes ang hearing.

Gusto nako nga suwayan ang bag-ong lagda base sa Joint Administrative Order 2014-01 nga nagpahamtang og silot sa mga drayber nga dili mohatod sa ilang mga pasahero ngadto sa ilang destinasyon.

Anaa kana sa No. 49 sa bag-ong lagda. Sagdi lang, gamay ra man ang multa ani apan ang gusto lang nako nga katudloan og leksyon si Mr. Doria.

Magkita kita sa LTO-7 operations branch unya sa Lunes sa buntag.

JOEL MALOLOY JOINT ADMINISTRATIVE ORDER JUNQUERA MR. DORIA PASAHERO SANCIANGKO STEPHEN DORIA
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with