Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.
Nahisama ang iladong eskuwelahan sa usa ka barko nga nakasugat og dakong bagyo sa lawod. Overloaded kini sa mga kargamento ug kinabuhi. Kun dili mapangitaa’g paagi nga maminusan ang kabug-at, malunod kini. Busa, kinahanglang isakripisyo ang diyotay aron maluwas ang daghan. Unta, hisabtan kini sa mga empleyado nga gipangdiskarga sa kadagkoan sa maong eskuwelahan. Ug usab, nindot unta nga paningkamotan sa nanagdumala nga dili mangalumos ang mga empleyado nga ilang gidiskarga.
Angay timan-an. Ang tukmang sulbad sa problema dili ang kahait sa nagdilaab nga kasuko. Kay kun paundayonan ang suwab sa kapintas, magdulot lang kini’g dugang suliran. Unta likayan ang piket. Ang pag-ali sa mga estudyante o empleyado sa ganghaan sa unibersidad nakapanghilabot kini sa tawhanong katungod. Dapat lang likayan.
Kinasingkasing nga panagsabotsabot ang epektibong tambal sa mga dughang samaran. Isip buotang administrador, ipakita sa nangreklamong mamumuo nga kita adunay gugma sa Ginoo ug usab...sa mata’g usa kanila. Buwahan, maangkon ang hingpit nga kalinaw.
Oo, angay ipakita sa eskuwelahan ang gugma sa atong Magbubuhat pinaagi sa pagpabati sa maong gugma ngadto sa mga empleyadong nanginahangla’g espirituhanong tabang ning grabeng katalagman nga miabot sa ilang kinabuhi. At least, tin-aw kaayong makita ang tubag kun may mangutana: “Makiangayon ba ang gibuhat sa eskuwelahan?â€