Good day sa tanang nagdumala sa Banat News nga pirme nakong basahon taga adlaw esp. atong wla pay ecq.
Tawaga lng ko sa ngalan nga Leo25, naay ka ipon almost 2 yrs na. Galibog lang ko sa amua sitwasyon, ug wala ko kabalo i angay na ba gud ko mubiya, labi na nga wala na koy kalipay.
Ako man gud pares tapad ra mi balay sa iyang mama, so naa man syay work? taga uli niya ako gyud andaman sa iyang pag kaon, pero iya raku biyaan ug adto siya mustandby sa balay sa iyang mama. Wala pud syay panahon sa akoa, ug mas taas pa siya og oras sa tagay sa iyang barkada ug mga ig-agaw. a
Ang guol pa gud kay di akoy tiggunit sa iyang sweldo. Iya rakung tagaan 1k taga kinsenas. Labing dako P1,500. Naa mi isa ka anak nga gi gatas, 2 yrs old, may na lang gani naa koy negosyo gamay sa syudad nga maoy kuhaan nako sa among kaon especially nga kuyog nako akong lola pud.
Ang sakit lang kay kwentahan ko sa akong pares sa iyang mga gi pang gasto. Kapoy na daw siya og trabaho, hagu daw kaayu iyang lawas. Nag libog ko if unsa akong angay himuon. Aware man siya sa akong mga kahiubos niya pero wala man gihapon siya nausab. Pamati nako mura rako’ tawo-tawo sa humayan...pansinon ra og kinahanglan.
Tambagi ko palihug, Tito Miguel.unta Salamat sa pag tagad. More power.
Leo
* * *
Leo25,
Kun kahibawo na siya sa tanan nimo kahiubos apan wala’y gibuhat pag-isa sa imo’ng gibati, dili ka importante para niya. Gawas ana, mama’s boy. Dili pa andam sa responsibilidad imo’ng kapuyo, nagbaga’ng pula nga bandera, timailhan nga angay nimo kahadlokan. Lisod isalig sa maong matang sa tawo ang kaugmaon sa imo’ng anak. Apan wala ka mag hisgot unsa siya isip amahan. Kun ikaw pinasagdan, lagmit iya’ng anak kuwangan sad sa iya’ng atiman.
Apan sa di pa ka mohukom, mas maayo istoryahan ninyo ang tanan labi na mahitungod sa anak ninyo nga kaniya nanginahanglan. Maski kahibawo na siya tanan nimong kahiubos, angay gihapon nimo ipadayag tanan nimo’ng gibati sa maka usa pa aron maklaro kun duna ba moy’ kaugmaon isip pamilya. Importante mangutana ka niya unsa’y imong mga kahuyang o kakuwangan aron imo’ng remedyohan. Kay lagmit duna sad siya’y mga nakitang issue batok nimo.
Sama sa imong lola nga niipon ninyo. Lagmit apil na sa iya’ng kuwentada kay nakadugang sa gasto ug serbisyo. Nikalayo na ang nagbaga’ng bandera kay wala siya’y katakus paghatag nimo’g higayon pag-atiman sa tigulang. Di lang kay dili siya andam mosagubang sa responsibilidad, di lang gyud siya ganahan. Bata pa lagi’g salabotan.
Kun sa inyo’ng istorya di mo magkasinabot ug wa na ka’y pagmahal niya o duna pa apan di na malipayon, mahimo na ka mobiya sa tawo nga wa pa malutas sa iya’ng inahan. Basin gani para niya ikaw hinungdan nahilayo siya sa sabakan. Ako’ng tag-an siyay nagbuot mopuyo mo sa balay tupad ra sa iya’ng inahan, gawas kun silingan na mo daan.
Sayon ra nimo ang pagbiya kay di pa mo kasado ug naa pa ka’y negosyo. Kun mopasalig mag-usab, mahimo nimo hataga’g laing higayon apan pagmatngon kun matinud-anon. Timan-i, ang mga mama’s boy lisod mausab. They don’t grow up, they just grow old.
Tito Miguel
* * *
Alang sa inyong mga suliran nga buot ninyong patambagan kang Tito Miguel, -i-like ang Banat Hugyaw ug Banat News fb pages aron adto ninyo kana ipadala ug mogawas kini matag Lunes ug Biyernes.