Tungod sa counterflow
Sugilanon - Gilbert Tajanlangit Bayot (Banat) - March 7, 2018 - 12:00am

Mahiligon si Frex og counterflow. Nagsubay siya sa unang taytayan sa Opon apan ang disgrasya di gyud mahibaw-an, nadumbulan siya sa dakong trak ug nabunal ang ulo sa sementadong gutter ug nakabsan sa hinuwamang kinabuhi. Gikakurat sa iyang mga kauban ang nahitabo kaniya. Dakong katingalahan sa ilang opisina  kay si Frex namatay og 6:30 unya ang nigawas sa log box machine nakapanso pa siya’g 7:00 sa buntag.

Usa ka gabii niana alas 10:00 ang takna, samtang busy sa trabaho si Arnil giduol siya sa gwardiya ug gipangutana.

“Bay, unsa man tong tawo didto, nag-inusara ra man tong nag-operate sa machine, kauban to ninyo?” sa guwardiya nga nag-roving.

“Unsa may bayhon sir? Mubo ba or taason?” ni Arnil pa nga gikulbaan.

Nisantop dayon sa huna-huna ni Arnil si Frex katong iyang amigo nga nadisgrasya dili pa lang dugay.

Halos kada gabii na maghamok si Frex.

“Hu! Hu! Hu!! Bay, Arnil di ko mahimutang kon dili mo ako tabangan sa akong problema.”

Napugwat si Arnil sa iyang pagkahinanok, nibangon siya aron moinom og tubig.

Usa ka higayon niana dugay nakagawas si Arnil sa planta kay nanghugas pa sa iyang mga gamit, sa dayon na  unta niyang panso may nakita siyang tawo nga lubos puti ang sinina. Nadungog na pud niya ang dangoyngoy,  hinay-hinay niya kining giduol aron pakigsultian og unsay gibalikan.

“Bay, Arnil, nia ko aron mangayo sa imong panabang,” ni Frex nga nagtalikod. “Oooo... Unsay akong ikatabang nimo bay, sulti kay akong tumanon alang sa imong kapahulayan sa dayon.”

“Adto sa lugar nga akong nadisgrasyahan, pangitaa ang akong postiso ug bag-ang nga nangapulpog ug dad-a  sa sementeryo ug pamisahi ko,” sa kalag pa ni Frex.

Nagpamisa ang tibuok planta alang sa kapahulayan ni Frex sa dayon. (Kataposan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with