Dear Banat News,
Hello sa tanang readers sa Banat News tawga lang ko sa pangalan nga Benjamin, 28 years old, call center agent ug usa ka bisexual.
Dugay-dugay nako nga single ug ako lang i-share ang kaagi nako sa katapusan nako nga nauyab nga usa pud ka bisexual.
Katapusan nako nga nauyab mao si Anthony, 27 ug nagtrabaho sa usa ka restaurant.
Nilungtad og usa ka tuig kapin ang relasyon namo ni Anthony, ug naabot gyud sa time nga wala nagkasinabot maong nagkabuwag gyud mi.
Nagkaila mi ni Anthony tungod kay friend man siya sa akong childhood friend, gipaila-ila mi niya hinungdan nga nagkauban nami sa mga laag.
Siya ang una nga nangayo og number nako nitubay pud ko sa iyang mga text kay wa man sad ko’y lingaw. Naabot sa punto nga magsige nami og date.
Tulo ka buwan sa pagsige namo og date nanguyab siya nako. Ako ra pud siya nga gisugot kay naganahan ra man sad ko niya. Medyo guwapo baya si Anthony, pero mas babaye pa siya og linihokan kay sa nako.
Loyal kay ko kang Anthony, ug dili gyud mo-entertain sa ubang tawo nga magparamdam nako.
Happy kay magkasinabot gyud mi sa bisan unsa nga butang. Naabot ang time nga nibugnaw og kalit ang iyang tinagdan nako. Magsige ko og pangutana kun unsa gyud ang iyang problema dili ra gyud siya motubag.
Didto nagsugod ang pagsige namo og lalis kay ambot lang ni Anthony uy, panagsa na lang gyud siya makigkita nako.
Busy na daw siya maong panagsa na lang daw mi magkita. Usahay kun mag-date mi magdali siya og lakaw kay naa pa siya laing lakaw daw.
Hubag na kaayo akong mata sa pagsige og hilak kay mahadlok ko nga magbuwag mi.
Naabot ang time nga naluoy nako sa akong kaugalingon, wala na ju’y lami ang among relasyon dili nako happy. Love nako siya, pero mas love pa nako ang akong kaugalingon.
Kay dili na man ko happy ako siyang gibuwagan ug na-shock ko kay nisugot ra pud siya dayon. Didto ko nagduda nga duna gyud siya’y gitagoan nako, Pag-abot og usa ka buwan, sukad sa among break-up, nakadungog na lang ko sa istorya gikan sa akong barkada nga duna na daw bag-ong uyab si Anthony.
Grabe kaayo ang akong kalagot ni Anthony, ug segurado ko kanang uyab niya karon kay mao na ang iyang giiring-iringan kaniadto sa dihang nagkahanap na ang among relasyon. Dili nako motagad kang Anthony kay baga gyud siya og nawong. Happy nako karon sa akong pagka-single. Mo-request lang ko sa lyrics sa You’ve Got A Way by Shania Twain.
Hi Benjamin! Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story C/o Banat News