Dear Banat News,
Maayong adlaw sa tanang tigbasa sa Banat News. Tawga lang ko sa pangalan nga Laura, 30 years old ug nagtrabaho isip usa ka teacher sa public school.
Ako lang i-share ang love story namo sa akong bana nga si Edgar nga usa ka mekaniko.
Nagkaila mi tungod sa unang eskwelahan kun diin ko nadestino. Naa sa bukid ang akong first assignment ug habal-habal ra gyud ang sakyanan nga puwedeng makalahos didto.
Naa koy nasuki nga driver sa motor, siya si Edgar nga mao gyud ang akong nabana karon.
Si Edgar man gud mo-sideline na siya sa una og drive og motor aron makapuno-puno sa iyang panginabuhian gawas sa iyang pagka-mekaniko.
Nakabantay ko sa higayon nga magpahatod ko sa eskwelahan, grabe kaayo siya mo-smile, mura ko’g mahupas, dili ko komportable gud basta naay motutok nako.
Pag-abot og pila ka buwan nagkasuod na man hinuon mi og maayo dili na man hinuon ko paplitihon niya.
Kon dunay okasyon sa ila sama sa fiesta, birthday ug uban pa permi na man ko niya imbitaron hangtod nga nasuod na pud nako ang iyang pamilya.
Didto nako na nailhan og maayo ang pagkatawo ni Edgar, grabe niya ka pinangga ang iyang pamilya. Usa siya ka matinahuron nga anak.
Nag-observe ra gyud ko sa lihok ni Edgar, kahibalo gyud ko nga naa siyay gusto nako pero gusto lang gyud niya nga makaila ko niya og maayo sa dili pa siya modiskarte nako.
Naabot gyud ang panahon nga nanguyab na siya nako ako dayon siya nga gisugot kay lawom na gyud ang panag-ilhanay namo sa usa’g-usa.
Dili nako ikaulaw ang iyang pagka-driver sa habal –habal. Grabe siya kabuotan hinungdan nga dali ra gyud ko na-develop kaniya. Pag-abot og upat ka tuig isip manag-uyab, nakadesisyon dayon mi nga magminyo.
Naa na mi usa ka anak karon ug happy kaayo ang among family. Sama sa ubang magtiayon nag-agi pud mi og ginagmay nga away pero masulbad ra pud dayon. Wala nako damha ang akong “forever” nakit-an nako sa unang eskwelahan nga akong gitrabahoan. Niadtong higayona wala gyud ko maghunahuna og uyab-uyab kay lagi excited kaayo ko sa akong work pero sakto gyud diay ang panultihon nga dili gyud matag-an ang panahon nga maabot gyud og kalit ang imong Mr. Right Guy.
Mo-request lang ko sa chords and lyrics sa My Destiny by Jim Brickman.
Hi Laura!Thank you so much sa imong LOVE STORY! Paabuta ugma puhon ang imong request
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini: