Dear Banat News,
Hi diay sa tanang readers sa Banat News. Ako diay si Junjun, 27, ug taga Capitol Site, Cebu City.
Okay kaayo ang dagan sa relasyon namo karon ni Lisa, 26 nga taga Mandaue.
Nagtrabaho ko isip call center agent, samtang si Lisa nag-work sa usa restaurant diha sa Ayala.
Niabot na karon og duha ka tuig ang among relasyon, ug dili malikayan usahay nga mag-away mi pero mag-uli rapud mi dayon.
Seloso kay ko nga pagka-uyab, maayo na lang gani, kay maulian ra pud ko dayon kay grabe man pud mo-explain si Liza maong nisamot ko ka-inlove niya.
Nagkaila mi niya tungod kay nagkauban mi og trabaho sa una sa usa ka shop, diha gihapon sa Ayala. Nagka-close mi og maayo kay pareho man ang among oras sa trabaho. Dili sad lalim uy, kay almost usa ka tuig sad ko nanguyab niya, hangtod gisugot ko niya. Nituo nako sa panultihon nga basta kahibalo lang moantos, positibo gyud ang maangkon.
Dugay ko niya gisugot kay dili pa siya andam adtong tayma nga makauyab kay na-trauma siya sa iyang ex nga gipasakitan siya og maayo.
Wala lang pud ko namugos, naghinay-hinay rako sa akong diskarte aron dili siya makalitan. Hangtod nga anam-anam niya nga na-appreciate ang akong effort .
Happy kay ko nga naabot siya sa akong kinabuhi, bahalag kalog ko'g utok usahay, pero nadawat rapud ko niya. Dili na nako siya buhian, kay segurado ko nga siya ang akong pakaslan nga babaye. Sunod tuig na ang among kasal ug wala na'y puwede nga makapugong niana .Request diay ko og lyrics sa Tadhana by Up Dharma Down.
Hi Junjun! Thank you so much sa imong LOVE STORY! Paabuta ugma puhon ang imong request.
Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini:
Love Story
C/o Banat News
Corner V. Gullas and D. Jakosalem Streets
Barangay Sto. Niño
6000 Cebu City, Philippines