^

Banat Kalingawan

Panimalos sa kalag

CTALK - Samuel Petallar Agbo - Banat

Usa ka bilyako nga pagka ulitawo si Orly. Maayo modala’g drama aron lang sugton. Gani nabiktima si Elyang ang pilya nga dalaga ug namabdos kini.

“Orly, hain man ang mga saad nga imo kong unungan...?” ni Elyang.

“Wala kay mapaabot sa akong mga panumpa, Elyang!” ni Orly nga nibahakhak sa pagkatawa.

“Sa imong gibuhat panimaslan ko,  ikaw”, bahad ni Elyang. “Sige, imo ang tanang katawa!”

Tuod nilakaw ang dalaga binalon ang kasilag. Ug nilakaw sa laing dapit nga wala na igkita ni Orly. Unya nagpadayon gihapon ang ulitawo sa iyang pagpahilak sa mga kadalagahan pinaagi sa mga bulatik nga mga pulong aron lang sugton.

Paglabay sa mga adlaw nahinumdom ang ulitawo ni Elyang. Wala magdugay may ni text ni Orly. Ug nakalitan siya kay makigkita niya si Elyang, ang usa sa iyang biktima sa mga pasalig nga bakak. Ug nahibulong ang ulitawo kay makigkita untop ala 1:00 sa kaadlawon duol sa sementeryo sa maong lungsod.

Wala maglangan didto na si Orly duol sa sam-ang nga giingon sa dalaga. Ug nakita niya si Elyang nga siga’g mga mata.

“Nganong hait man ang imong tinan-awan, Elyang...?” nakuyawan si Orly.

“Dali, Orly, tagbawa ang imong kaugalingon sa pagdimdim sa akong unod...” ni Elyang nga nitintal sa puti nga mga paa. Apan wala masayod si Orly nga ang iyang gikaatubang usa na diay ka kalag tungod kay naaksidente ang gisakyan sa kadagatan. Ug nadala sa lanses si Orly ug nagpanilap nga niduol sa usa ka kalagnon.

“Gwapaha gyud nimo, Elyang, uy!” ni Orly nga nihikap sa tibuok kalawasan.

“Sige, padayon, Orly, sa pagdimdim sa himaya!” ni Elyang nga bugnaw ang tingog. Apan may nabantayan ang ulitawo nga hilabihang ka kusgan ni Elyang. Ug gituok si Orly.

“Elyang, ayaw ko’g patya....”

“Nia ako, Orly, aron maningil sa imong gibuhat...!”

Unya nabugtuan sa kinabuhi ang ulitawo ug nidiwalwal ang dila kay naninawos ang kalag. (Katapusan)

PANIMALOS SA KALAG

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with