Dear Tita Salie,
Maayong adlaw. Tagoa lang ko sa ngalan nga Austin, taga Cebu City ra ko ug 65 na ang akong edad karon. Sa unsa nga paagi kaha masagubang nato ang mga kabalaka sa kinabuhi? Pasabta ko. Salamat sa pagtagad.
* * *
Dear Austin,
Kita gayud niining kalibutan karon nga atong gipuy-an dili kawad-an og kabalaka sa kinabuhi. Mabalaka kita bahin sa materyal nga panginahanglan sama sa pagkaon, besti, salapi ug uban pa.
Sa atong pisikal nga gibati sama sa sakit, pagkatigulang, pag-antos ug uban pa. Ang epektibo nga paagi niini aron nga kini atong masagubang kun kita nasayod nga kini maoy dili pagsulay sa Diyos.
Ang Diyos dili mohatag og pagsulay ni bisan kinsa kay siya usab dili masulayan sa daotang mga butang. Ang balaang kasulatan nagkanayon nga ang atong kabalaka sa kinabuhi karon maoy pagmatuod nga kita nanginabuhi sa usa ka kalibutan diin napuno sa kapintasan ug dili patas nga panginabuhian. – Tita Salie