Wa’y pinirmahan

Sugilanon - Atty. Conchito E. Germino (Banat) - September 10, 2015 - 10:00am

Kiha lang, Gina, bisa’g asa kay atubangon tika. Wa may mapriso sa utang. Gawas pa, wa man koy pinirmahan nga nakadawat ko’g P30,000 gikan nimo!” pintok nga pulong ni Dindo ngadto ni Gina nga naningil kaniya.

“Patyon g’yud ko sa akong bana niini ini’g uli gikan sa Saudi,” naghilak si Gina nga nanaug sa panimalay nila ni Dindo ug Joel. Sila’ng duha ra nga magsuon, pareho nga ulitawo ang nagpuyo niining balay duol sa baybayon.

Kabilin ang balay sa ilang mga ginikanan nga nitaliwan na. Pareho sila nga teller sa banko.

Tungod kay naisa ang tingog ni Dindo ni’ng sayo nga kahaponon, naalimungawan si Joel nga natulog sa iyang lawak. Nilili kini sa bintana ug nakita niya si Gina nga namahid sa luha samtang naglakaw palayo.

Nigawas si Joel ngadto sa sala. “Unsa may gisulti nimo ni Gina nga nihilak man to?”

“Naningil sa akong utang. Akong giingnan nga dili ko mobayad,” matud ni Dindo. “Kasalbahis gud nimo! Mangingilad g’yud ka! Nahimo pa ko nga instrumento sa imong pangilad,” ni Joel.

“Ngano nga instrumento man ka?” misaka ang tingog ni Dindo.

“Ako gud ang nipaila nimo ni Gina. Nadungog nako ang tanan nimo nga pasalig niya. Nga naa kay time deposit nga P300,000 nga dili pa nimo matandog. Diha ko pagdawat nimo sa kuwarta kay ibayad nimo’g down payment og multicab nga dugay na nimo nga gisakaysakayan,” matud ni Joel.

“Unya? Unsa may problema nimo?” singka ni Dindo.

“Problema? Kitang duha makiha’g estafa. Kay ang imong bakak maoy nakapagawas sa P300,000 ni Gina,” ni Joel. “Wa man koy pinirmahan”.

“Bitaw. Pero tungod sa pagsalig ni Gina nato, kay iyang mga ig-agaw, wa ka papirmaha,” pasabot ni Joel.

“Unya? Unsa may imong hunahuna?” misukna si Dindo sa igsuon.

Akong tambag nimo, inig balik ni Gina, bayari siya kay kun dili ka mobayad, motabang ko’g papriso nimo. Ikiha ka namo og estafa ug mopirma ko’g affidavit aron isaysay ang tinuod nga hitabo,” matud ni Joel.

“Mopabor diay ka ni Gina?” nakapangutana si Dindo.

“Wa ko’y paboran ninyo’ng duha. Ang akong paboran ang katarong,” pintok ang tingog ni Joel.

Nakahinuktok si Dindo. Nilantaw sa lawod. Abi niya’g konsentehon siya’s iyang manghud. (Kataposan)

 

ACIRC AKONG ANG DINDO GINA JOEL KAY NGA NIMO UNSA UNYA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with