Gula 20
“Kun hatagan ko nimo’g higayon, lipayon ko ikaw pag-ayo Neth. Dad-on ko ikaw sa paraiso,” giingnan ni Jeffrey si Janeth. Paagi kini ni Jeffrey aron pagsukod kun unsa’y reaksyon sa dalaga sa iyang gisulti.
Nakapahiyom ang dalaga nga nakadungog sa gisulti ni Jeffrey. Nasabot ni Jeffrey nga walay pagsupak si Janeth sa iyang plano nga dad-on niya kini sa usa ka motel atol sa ilang panagdeyt inigkaugma.
“Sige, mahinamon ko nga magpaabot sa atong pagpanuroy ugma Neth. Tana, mosuroy ‘sab ta sa baybayon sa unahan,” giingnan ni Jeffrey ang iyang girlfriend nga si Naneth. “Dili lang kaayo ta magpalayo, diha lang ta sa dapit nga malantaw pa nato ang atong cottage,” sa dalaga pa.
Wala gayud sila batia og duka bisan og ala dos na sa kaadlawon. Nalantaw nila ni Jeffrey ug Naneth nga ang ila na lang cottage maoy bugtong nagsiga ang suga. Tulo lang ka cottage ang adunay nag-ukopar ug nangatulog na tingali ang nag-ukopar sa duha ka laing cottage.
“Mamalik na lang ta sa cottage Jeff ug adto na lang nato paabuton ang akong mga barkada nga nagsuroy-suroy pa sa unahan,” matud ni Janeth. Wala motingog si Jeffrey apan mituman dayon siya sa sugyot sa dalaga.
Pag-abot nila sa cottage, nahuna-huna ni Jeffrey nga mas maayo nga pagngon na lang ‘sab nila ang suga sa cottage kay dan-ag pa man gihapon ang suga gikan sa daplin sa baybayon.
Nindot kaayo sa balkon sa cottage nga giukopahan nila ni Jeffrey ug Naneth. Ngiob ang kayda ug dili kaayo sila makita gikan sa unahan apan makita nila kun may mga tawo nga moduol kanila.
Nagtupad sila sa paglingkud ug gigakus ni Jeffrey si Janeth. Gipahimuslan ni Jeffrey ang higayon, giukoban niya ang mga ngabil sa dalaga. (Sumpayan)