^

Banat Kalingawan

Tim-os nga pagbati - Gula 8

WILD ORCHIDS - Cindy Jones - Banat

Human og masahe ni Evelyn kang Loreto, nananghid ang dalaga nga mogawas na. Gigunitan ni Loreto ang bukton sa dalaga ug gitutokan niya ang maanyag niini nga panagway.

“Salamat kaayo sa pagmasahe nimo nako Lyn ha? Mura’g hinay-hinay ko nga gibalikan sa kabaskog nga namasahean nimo,” matud ni Loreto nga wala’y hunong sa pagtutok kang Evelyn. Mipahiyom ang dalaga. “Puwede ka na nga mukaon Nong Retz. Gusto ka, ako na nga andamon ang imong pagkaon, initon usa nako ang sabaw sa linat-an,” matud ni Evelyn.

“Sige Lyn, salamat g’yud kaayo. Usab og kaon kay gusto ko nga makigdungan nimo,” giingnan ni Loreto ang dalaga. Giubanan na lang ni Evelyn og kaon ang iyang agawon nga junkshop owner.

Nagbalik-balik kini og pasalamat kang Evelyn sa pagmasahe niini kaniya. “Luya bitaw ko kaayo kaganina Lyn. Kun wala pa ko nimo gimasahean, hangtud karon luya unta gihapon ko,” ni Loreto pa.

Ganado kaayo si Loreto sa iyang pagkaon. Human nila’g kaon, misulod na si Evelyn sa iyang kuwarto. Mibalik na ‘sab si Loreto sa iyang kuwarto.

Mihigda siya ug gipiyong ang iyang mga mata. Gusto siya nga matulog apan mipasunding hinuon sa iyang huna-huna si Evelyn. Ang gihimo ni Evelyn nga pagmasahe kaniya kaganina nakahaling og talagsaong pagbati ni Loreto.

Nahanduraw niya ang maanyag nga panagway ni Evelyn nga iyang gitutokan kaganina diha’ng gigunitan niya ang bukton sa dalaga pagkahuman niini’g masahe kaniya.

Sukad-masukad, karon pa nga mibatyag og ingon niini nga pagbati ang ulitawo’ng guwang nga si Loreto. Gikulbaan siya ug nagtuo nga misugod na sa pagpitik og gugma ang iyang kasing-kasing. (Sumpayan)

vuukle comment

EVELYN

GANADO

GIGUNITAN

GIKULBAAN

IYANG

LORETO

NONG RETZ

SIGE LYN

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with