Nagdumot sa gipanaygonan
Sugilanon - Alcea Maningo (Banat) - December 8, 2014 - 12:00am

Alas siyete sa buntag. Disyembre 16. Go ang signal sa trapik sa dalan Escario atubangan sa Kapitolyo padulong sa Kamputhaw. Pero puno sa sakyanan ang karsada. Nag-aginod ang trapik. Nag-aginod sab ang dyip depasaheroan nga gimaneho ni Lando. Wa pa kaayo’y pasahero padulong sa Lahug. Naa tupad niya sa front seat si Nacio iyang konduktor.

Unya dunay nag-ungot nga Isuzu Crosswind nga puti sa gate sa Seventh Day Adventist Elementary School. Nag-signal ang Isuzu og right turn subay sa Escario padulong sa Kamputhaw. Wa gyuy sakyanang nihatag og lugar. Dihang natungod na ang dyip ni Lando, nangabli sa bintana ang drayber sa Isuzu. Kay aron makita ang drayber kay tinted  man ang bildo sa bintana. Nag-shades ang drayber ug crew cut ang tupi. Morag retirado nga pulis. Nagsinyas siya sa walang kamot, timailhang muhangyo nga pahatag og lugar. Wa gyud nitan-aw si Lando. Gikablit siya ni Nacio.

“Naay nihangyo Lan o, nga pahatag og lugar,” ni Nacio.

“Ay’g langas. Nipasangil ko nga wa kakita. Di ko mohatag og lugar,” ni Lando.

“Ngano man?” ni Nacio.

“Higayon na ron nga magginarboso kitang mga pobre. Aron makabawos ta sa mga dato” ni Lando nagpahiyom nga nagsulti.

Apan wa gyud nilingi ngadtong Nacio. Sa unahan lang nagtan-aw. Unya naghinay og aginod.

“Di baya tanang datu garboso. Wa sab ka kaseguro kun drayber lang na siya. Siniweldohan sa tag-iya sa sakyanan” ni Nacio.

“Ah tag-iya na siya. Kay kun drayber pa na, espoting na’g saput. Tan-awa di ba nagkamisin lang. Naghatud na’g anak sa eskuylahan” ni Lando.

Nagsigi’g senyas ang tawo. Wa gyud tagda ni Lando. Gilabyan lang niya. Apan nipahiyom lang ang tawo. Nagpanglingo.

“Tan-awa ang drayber sa Isuzu. Kun garboso pa na, gisinggitan na ka. Nipahiyom man lang,” ni Nacio.

“Bueno. Pasensiya siya. Kay Pasko ron. Mao ni akong higayon nga magginarboso” ni Lando.

Malipayon sa iyang nabuhat. Nakapangawot sa ulo si Nacio.

“Basin usa na siya sa akong gipanaygonan nga wa gyud nihatag bisag gamay” dugang ni Lando. Nagdumot diay siya sa wa nihug niya sa iyang pagpanaygon. (Katapusan)

APAN ESCARIO ISUZU ISUZU CROSSWIND KAMPUTHAW KAY PASKO LANDO NACIO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with