Dear DJ Inday Misyel,
Dunay nanguyab nako. Wala nako sugta kay amigo ra ang akong pagtan-aw kaniya. Murag nalain ang ako amigo apan pagkahuman sa usa ka adlaw matud niya nga magpaabot lang siya. Ang tinuod six months na siya naghuwat hangtod karon mao lang gihapon ang akong pagbati, amigo ra g’yud. Unsay akong buhaton? - Mia
Dear Mia,
Kun imong makita nga tinuoray ang iyang gugma kanimo, hatagi og respeto ang iyang pagbati. Ayaw siya pugngi nga makapadayon sa pagpadayag sa iyang gugma kanimo. Usahay gud ang gugma sa usa ka tawo anha magsugod sa panaghigalaay. Takulahaw lang kini nga mogitib diha sa kasing-kasing kun makita nimo nga ang maong tawo nagpangga kanimo. Hinuon, kun sa ngadto-ngadto wala ka g’yuy gugma ngadto kaniya, ayaw pugsa ang imong kaugalingon ug ayoha siya pagpasabot nga dili maayo nga sugton nimo siya tungod lang sa kaluoy. - DJ Inday Misyel, 09995894692