Dear DJ Inday Misyel,
Good day. Gusto na unta ko makigbulag sa akong asawa ug gusto ko na nga wala na unta mi hilabtanay ug magpirmahay na mi’ng duha bahin ani. Apan dili man siya mosugot kay gusto niya nga ipa-annul g’yud ang among kasal. Unsay akong buhaton? - Tacz
* * *
Dear Tacz,
Basin og nasakpan ka nga adunay lain? Wala nimo ibutyag sa imong suwat kun ngano nga makigbuwag ka. Unsa man, nagger ang imong asawa? Mas maayo pa hinuon nga mopuyo sa ibabaw sa atop kaysa sa makigtupad sa babaye’ng nagger. Unsa may sala sa imong asawa nga makigbuwag ka na man niya?
Buyno, kun makigbuwag ka, ipaagi sa legal ug pamatud-i nga angayan kamo nga magbuwag. Kun annulment magkinahanglan ka og dako nga kantidad sa gasto sa pag-file og petition sa korte. Aw ikaw ang magbuot kun gusto ka nga manginabuhi nga wala na ang imong asawa aron may kalinaw. - DJ Inday Misyel