Gula 54
Kuti kaayo ang proseso sa enrollment sa mga freshman. Sa akong banabana, maabtan pa og hapon aron mahingpit ang akong pagpa-enroll. Nianang pagka-udto, migawas ko sa school campus aron maniudto. Nagkita mi si Edward sa usa ka luhong kan-anan sa may Agora. Nagdungan mi’g paniudto.
Human sa among pangaon, nananghid ko ni Edward nga mobalik na ko sa eskuwelahan aron tiwason ang akong pagpa-enroll.
“Unya na,” ni Edward pa nga migunit sa tuo kong kamot. “Mag-short time una ta.”
“U-unsay short time?” Wala ko makasabot sa iyang gisulti.
“Mo-check in una ta’g motel. Kadiyot ra gud.”
“Di ko, uy. Tingali’g makit-an ta’g taga ato.”
“Jezebel, nia kita sa siyudad. Daghang tawo dinhi. Sulagma na lang kun may makakita natong taga ato inigsulod nato sa motel.”
Nakombinser ko sa gisulti ni Edward. Tuod man, mi-check-in mi. Maoy among gipiling tsek-inan ang baratuhon ug dili kaayo luho nga motel.
Sulod sa pribadong lawak sa motel, gisaw-an namo ni Edward ang kalalim sa lawasnong kalipay. Sulod sa tulo ka oras nga short time, naka-score gyud mi’g katulo si Edward. Human kami maka-check out, mibalik dayon ko sa eskuwelahan. Tungod sa pag-short time namo ni Edward nalangan hinuon ko sa pagpa-enroll. -- Sumpayan pa