Kalit nga gibiyaan

Power DJ Inday Misyel,

Inday Misyel, ang akong problema kabahin sa akong lovelife. Ang akong uyab nagtrabaho isip lending collector sa Talisay. Apan ambot wala g’yud ko estoryahe niya ug nikalit lang nga wala na nagpakita nako. Apan hangtod karon ako gihapon siya nga gihigugma. Unsa may akong buhaton nga wala na man nagpakita kanako si Charnie Ben? Palihug tambagi ko. -

Unknown

Power Unknown,

 May nahiubsan tingali si Charnie Ben o kaha wala usa siya magpakita nimo aron lang magpaubos ug malikayan ang kagubot. Apan ang pangutana, unsa may nahiubsan niya? May kalabutan ba kini diha nimo or personal kaayo nga bahin kaniya?

 Yes, nagmahal ka gihapon niya, pero unsaon man nga siya na man ang mihukom nga magpalayo kanimo. Kon duna kini siya’y dakong gugma kanimo nagpahibalo unta siya ug iya ka nga gisultian, apan wala ra. Ang imo na lang buhaton mao ang paghatag og chance nga siya maka-move on sa iyang gibati, unya hatagan nimo og kahigayonan nga molihok alang sa iyang kaugmaon. Iampo nga safety siya kanunay ug anaa sa maayong kahimtang.

  Tinuoray ang gugma sa tawo kon kini kahibalo mohatag og pagsabot, ug magsilbi nga maoy nahibilin nga naghatag sa respeto sa unsang sitwasyon. - DJ IndayMisyel