Gula 217
Gidali pagpunit ni Col. Villadar ang Uzi.
“Kataposan mo na, Corpuz!â€
Ug gipusil ni Col. Villadar si Rey ginamit ang kaugalingong armas niini. Nakasinggit si sister Veronica sa kaluoy ug kalisang nga nagtan-aw sa gidangatan ni Rey.
“Reeeyyyy!†Nakasinggit si sister Veronica sa tumang kalisang. Misabat ang iyang tingog sa masipang buto sa Uzi nga maoy gigamit ni Col. Martin Villadar pagluthang kang SPO3 Rey Corpuz.
Si Rey natusak sa mga bala. Wala siya makahimo pagpanalipod sa iyang kaugalingon gumikan sa naghingapin nga mga bun-og nga iyang nadawat. Apan naglihok ug naginhawa pa siya.
“Rey...†Naghilak nga miduol si sister Veronica sa nahimutangan sa nagkadugong lawas ni Rey. Apan kalit siyang gipugngan ni Col. Villadar. Ug gibitad siya niini paingon sa gawas sa underground.
Apan igo lang silang nakahimo og pipila ka lakang, napahunong si Col. Villadar sa paglakaw. Dali niyang gihimong taming si sister Veronica sa iyang kaugalingon pagkamatikod nga may mga polis nga nahiabot nga gipangulohan ni Capt. Sancho Benale.
“Ibutang kanang inyong mga armas,†mimando si Col. Martin Villadar kanila ni Capt. Benale, “kun dili kamo buot nga masakitan kining babaye.†-- Sumpayan pa