Rosalie Vallecera

Maoy pangagpas ni Rey nga nagtuo g’yud ang mga kaaway nga maoy iyang buhaton ang pagsulod sa bodega pinaagi sa pagpadasmag sa sakyanan. Sa banabana ni Rey, mora’g natuis ang nahitabo karon sa gipaabot sa mga kaaway nga mahitabo.

Dili kaayo daghan ang mga suga nga gipasiga sulod sa bodega. Apan igo na kini nga makaayuda kang Rey sa iyang tumong.

Midagan si Rey. Maoy iyang gusto nga makabig kanunay ang pagtagad sa mga kaaway kaniya mao nga dili siya magpabilin og dugay sa usa ka dapit. Mogawas gilayon siya sa iyang gipasalipdan aron makit-an siya sa mga kaaway ug pusilon nila siya. Sa ingon iya usab nga masayran kun hain magtago ang iyang mga kaaway.

Sama sa gipaabot ni Rey nga mahitabo, gipusil gayod siya sa mga kaaway sa dihang nakit-an siya nga nagdagan. Midali siya sa pagpasalipod. Unya mihinay siya pagkamang ngadto sa gitagoan sa mga kaaway. Nakahimo siya sa pagpaduol sa gitagoan sa mga kaaway nga wala nila mamatikdi.

Rat-tat-tat-tat-tat!

Girakrakan ni Rey ang mga kaaway. Nanglit-ad sila nga wala na makahimo sa pagpanalipod sa ilang kaugalingon sa pag-atake ni Rey. Mipadayon si Rey sa unahan. Gipangita niya ang dapit nga nahimutangan ni sister Veronica. -- Sumpayan pa

 

Show comments