Nagpadayon si Raffy sa pagpangulitawo nako. Sa kadugayan, akong nasuta nga ang ako rang lawas maoy iyang giapas. Ang iyang gitinguha mao ra diay ang kalami pinaagi sa pagdimdim sa katam-is sa akong pagka-babaye. Mora’g wala gyud siya’y planong moseryoso sa pagpakigrelasyon nako. Tambal lang sa kahidlaw ang iyang tuyo.
“Siyaro’g wa ka hidlawa, Maria,†giingnan ko ni Raffy usa ka higayon niana nga nagkasulti mi didto sa garahean sa sakyanan sa pari samtang ako nanglimpiyo. “Batan-on ka pa ug taudtaod nang nalutas sa lawasnong kalipay.â€
“Hipokrito ko kun di ko moangkon nga usahay bation ko ang kahidlaw,†giprangkahan ko si Raffy. “Pero di kana rason aron magpaulipon ko sa unod. Nitagam na ko. Ang kamiserable sa akong kinabuhi kaniadto nagsugod dihang pulos kalami lang sa lawas ang akong giapas.
“Pero hidlawon gyud nianang mga butanga, di ba? Matud na usab ni Raffy.
“Tinuod kana. Pero nitagam na ko human ko mahisugamak sa pagpakigrelasyon sa usa ka lalaking walay ayo. Daw naa na koy heterophobia.â€
“Nagtuo ka ba sab diay nga wa koy ayo nga pagkatawo?â€
“Wa man hinuon. Pero...basta, di pa ko andam makigrelasyon pag-usab sa usa ka lalaki. Sa pagkakaron, kontento ko’s akong kinabuhi uban sa akong mga ginikanan. -- Sumpayan pa