Probinsiyana
WILD ORCHIDS - Cindy Jones (Banat) - April 27, 2013 - 12:00am

Gula 6

Pagka ugma Domingo. Nakurat si Renante kay sayo kaayo nga miadto si Gingging sa balay nila ni Rico. “Bai Ren, dia si Gingging kay mangaligo kuno sila sa dagat ug ang iyang mga barkada ug paubanon ta nila,” giingnan ni Rico ang higala.

“Sige bai Ric, dugay na ‘sab ko nga wala makakaligo’g dagat. Enjoy kaayo ko niining pagbisita nako dinhi sa Catmon da,” matud ni Renante nga mitutok ni Gingging. “Pinobre lang ta Ren kay wala g’yud ta’y andam nga mga pagkaon,” matud ni Gingging.

Abtik kaayo nga si Renante maoy mitanyag nga siya ang moabaga sa gastohan sa ilang pagkaon. “Ayaw mo’g kabalaka. Naa man kaha’y mapalitan nato og karne ug isda, magsugba-sugba lang ta didto sa baybay ug ako na’y bahala,” ni Renante pa.

Wala makapugong si Gingging sa pagpahiyom. “Galante g’yud ni kaayo ang imong amigo Ric uy,” matud ni Gingging. “Ako siya’ng amigo apan tingali umaabot nimo nga boyfriend,” gikomedyahan ni Rico si Gingging.

Mibiya si Gingging ug gihapit niini ang uban nila nga mga barkada. “Dakudaku ka g’yud diay og budget pag-anhi bai kay ikaw may mitanyag nga moabaga sa gasto sa pagkaon,” nagngisi si Rico nga misukna sa iyang amigo.

Igo lang mingisi si Renante. Tuod, malipayon ang grupo nga nangaligo sa dagat diin si Renante ang mibangka sa gastohan. Pagka gabii, gihimo ang kalingawan sa Cabungaan.

Sa makausa pa nagakus na usab ni Renante si Gingging. Nahibulong si Renante kay wala na makigsayaw og lain si Gingging. Nakahigayon siya sa pagsukna kun may swerte ba kaha siya sa paghigugma sa dalaga.

“Ikapangutana pa ba gud diay Ren? Dili ba klaro na nga may gusto ko nimo?” matud ni Gingging sa paraygon kaayo nga tingog ug gipaubanan sa tinutokan nga daw nagdala’g “come here.”

Ingon sa naglumpayat sa kalipay ang kasing-kasing ni Renante nga misugot ug wala balibari ni Gingging ang iyang gugma. Halos niya kini gakson sa kalipay apan nasayud siya nga daghang mga mata ang nagtutok kanila.

“Mobalik na ko sa siyudad unya sa kaadlawon Ging ug akong bawnon ang imong gugma,” matud ni Renante. Nakabantay si Renante nga ingon sa wala mopahiyom si Gingging nga nakadungog sa iyang gisulti. Ingon kini sa nawili kaniya nga mobiya na sa ilang dapit.

Misayaw sila dungan sa awit Please Be Careful with my Heart ni Jose Mari Chan. “Pwede ba nga kining kantaha maoy himoon nato nga theme song Ging? Kun makadungog kita niining maong awit, dili nato sipyaton ang paghandum sa usa’g-usa,” giingnan ni Renante si Gingging. - Sumpayan

BAI REN GINGGING INGON JOSE MARI CHAN PAGKA PLEASE BE CAREFUL RENANTE RICO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with