Mandaue dili mopadayon sa border control batok ASF

CEBU, Philippines — Ang kagamhanan sa Dakbayan sa Mandaue dili na mopatuman sa gitinguha nga border control batok sa African Swine Fever (ASF).

Si Atty. August Lizer Malate, executive secretary ni Mayor Jonas Cortes kinsa mao usab ang pangulo sa buhatan sa Business Permit and Licensing Office (BPLO) sa siyudad nipasabot sa niaging Biyernes nga ang maongh lakang nga gihimo sa siyudad  maoy pagpakita sa kusganong pagsuporta sa giluwatan nga kamandoan ni Gobernador Gwendolyn Garcia nga pagtangtang sa tanang  border control.

Apan matud ni Malate nga taliwala sa pagpahunong na sa border control sa gihahapon hingusgan ang pagsusi sa mga karneng  baboy gikan sa nagkadaiyang lugar nga dad-on sa siyudad sama sa pagpangayo sa clearance certificate.

Nasayran nga ang kapolisan sa Mandaue City Police Office (MCPO) ang nagpahimutang og mga border control batok sa ASF.

Ang gitinguha nga kabutangan og mga border control mao ang  Tawason, Panagdait , Innodata, Banilad, Cabancalan, Lapu-Lapu City, Cansaga  ug Jagobiao. (BANATNEWS)