^

Banat Balita

Babaye giamong-amongan sa igsuon ug amahan

Romeo T. Limpangog - Banat

CEBU, Philippines — Wala  makaugpo sa mga sakop sa  Criminal Investigation and Detection Group (CIDG) Lapu-Lapu City Field Unit  uban  sa kapolisan sa Presinto 3  sa  Lapu-Lapu City Police Office (LLCPO) ang usa ka 20-anyos nga lalaki kinsa nalutsan  og warrant  of arrest  sa korte  sa lima ka ihap nga  kasong pagpanglugos sa half-sister niini.

Ang  suspetsado molupyo diha sa Barangay Pajo, Siyudad sa Lapu-Lapu  ang gidakop  pinaagi sa warrant of arrest nga giluwatan ni Regional Trial Court (RTC) Judge Jose Alfonso Maliper Gomos sa Branch 5 sa Siyudad sa Lapu-Lapu nga gipetsahan og  Hunyo 23, 2022  ug   walay girekomendar nga piyansa alang sa temporaryong kagawasan sa suspetsado.

Ang pagkasikop sa suspetsado kabahin kini sa gihingusgang kampaniya sa kapolisan nga Oplan Pagtugis ubos sa CIDG Intensified Anti-Criminality Operation  alang ngadto  sa  mga most wanted person sa mga dapit nga ubos  sa ilang kaakuhan.

Laing gisikop sa susama gihapong kaso mao ang amahan sa 20-anyos nga lalaki.

Ang duha ka suspetsado gipasanginlang nipuli-puli og among-among sa biktima.

Base sa imbestigasyon sa kapolisa nasayran nga sulod sa duha ka tuig nga gipuli-pulihan sa amahan ug anak sa paglugos diha sulod sa ilang balay ang biktima dihang nagpanuigon pa kini og 16-anyos.

Giingong ang biktima diha kini magpuyo sa probinsiya sa balay sa kanhi bana sa inahan niini apan niadtong tuig 2020 gikuha ang biktima sa iyang inahan ug gidala diha sa Dakbayan sa Lapu-Lapu kauban sa pagpuyo sa bag-o niyang bana ug sa ilang anak nga lalaki. —BDB (BANATNEWS)

ARRESTED

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with