CEBU, Philippines — Dako ang kausaban sa dagan sa trapiko sa Dakbayan sa Talisay karon nga gisugdan na ang clamping operations sa mga sakyanan nga gipataka lang og parking.
Si Jonathan Tumulak, pangu sa City of Talisay-Traffic Operation Development Authority (CT-TODA) niingon nga duha ka sakyanan ang ilang na clamp sa Barangay Lagtang samtang duha sab sa San Isidro.
Matud pa niya nga dili dayon nila eclamp ang mga sakyanan nga giparking daplin sa karsada inay ila kining i-anunsyo ug tawgon ang drayber.
Apan kung kini molapas na sa singko minutos ang ilang pagpaabot hayan mapugos sila sa pag- clamp niini.
Nagkanayon si Tumulak nga daghan sila nga napatawag apan abtik sab kini nga mokuha sa ilang sakyanan ug mosibat.
“Alerto ang mga tawo pagkadungog sa wang-wang abtik ni sila mogawas dayon mosibat,” asoy pa ni Tumulak.
Ang focus nila nga karsada mao ang highway ug ang city roads nga makaapekto sa dagan sa trapiko.
Ang ma-clamp mahimong mobayad sa multa nga P1,000 ka pesos base sa ordinansa sa dakbayan.— IBM (BANATNEWS)