CEBU, Philippines — Moabot ngadto sa 50 ka mga negosyante ang gusto nga mosalmot sa labing una nga trade fair sa Dakbayan sa Talisay.
Kini maoy gibutyag ni Cyril Velasco, presidente sa Talisay City Chamber of Commerce.
Matud pa ni Velasco naa sa 60 ka negosyo ang mahimo nila nga mahatagan og pwesto sa tulo ka adlaw nga kalihukan sa sunod buwan.
Himoon kini sa Hunyo 17 ngadto sa 19 ug anha ipahimutang sa atubangan sa Talisay City Hall.
Gilauman ni Velasco nga usa ka family ug festival event ang ilang pagahimoon nga trade fair.
Nasuta nga katunga sa nagparehistro sa pagkakaron mga bag-ong negosyante nga taga Dakbayan sa Talisay.
Samtang ang uban niini gikan sa silingan nga siyudad ug kalungsuran. — /MEL (BANAT NEWS)