CEBU, Philippines — Mahayagan na unya ang kadalanan diha sa Cebu South Coastal Road (CSCR) nga habig sa Dakbayan sa Talisay.
Kini human ang City Engineering Office nipahibawo nga adunay mokabat sa 50 ka mga suga ang igtataod na.
Si Arnel Bacalso, city engineer sa dakayan nitataw nga ang pagkangiob sa dalan epekto sa bagyong Odette human mangaguba ang suga diha sa maong lugar.
Gitug-an ni Bacalso nga ila nasab nga gipahibawo ang General Services Office GSO aron kadungagan ang mga suga.
Una niini si Jonathan Tumulak, pangu sa City of Talisay-Traffic Operation Development Authority (CT-TODA) miingon nga nakadawat na sila sa reklamo sa mga motorista sa kangit-ngit sa karsada panahon sa kagabhion.
Ang pagtaod sa mga suga tabangan kini sa Department of Public Works and Highways (DPWH).
Ilang tinguha nga mahuman nila ang pagtaud sa di pa matapos kining buwana. —MEL (BANATNEWS)