Karong eleksiyona, atong namatikdan nga daghan kaayong partylist, bisa’g unsa na lang ang mga ngalan, bisa’g kinsa na lang ang mga nominees, ug bisa’g unsa na lang nga marginalized sector ang ilang gi-representahan.
Ug kini nakapataas sa balota, ug nakahatag og kalibog unsa na partylist ang atong botohan, ilabina nga ang ngalan lang sa partido ang atong botohan, dili ang mga nominees.
Og despite sa atong kadaghan sa wa gyuy senior citizen partylist nga taga-ato. Sa tibuok nasud, mokapin na sa 8 milyones ang elderly population, nga kon magkahiusa lang unta kita (which is quite impossible) sayon kaayo ang pagpadaug og tulo ka senior citizen partylist representatives ngadto sa Kongreso.
Dinhi lang sa atong dakbayan, mokapin na man tingali kita’g 100,000 ka mga seniors. Ug kon ilakip nato og kwenta ang lalawigan ug ubang mga dakbayan sa Sugbo, porbidang sayuna pagpadaog og tulo ka senior citizen nga tinugyanan didto sa House of Representatives.
Ang Republic Act No. 7941, kon Partylist System Act nahimong balaud niadtong Marso 3, 1995, “to enable Filipino citizens belonging to the marginalized and underrepresented sectors, organizations and parties (sama sa senior citizens sector) to become members of the House of Representatives.”
Akong hinumdoman nga ang eleksyon sa 2007 maoy unang eleksyon nga gisalmotan sa mga senior citizens. So, duna kitay senior citizen partylist sa maong eleksyon. Taga-Manila man tingali kadto ang mga nominees. Unsay resulta?
Ato na kining nahisgotan sa makadaghan sa una natong mga lindog. Sa Manila, pananglitan, sa total (nationwide) part-list votes nga 415,004, 6,173 votes ra ang nakuha sa senior citizens. 6,173 da ang mga senior citizens sa Manila?
Sa Batanes, ang total nga partylist votes mikabat lang og 2,788, ug ang nibotar sa senior citizen parylist, siyam (9) ra. Siyam ray senior citizens sa Batanes? Sa Palawan, 102,146 partylist votes, ug 277 da ang senior citizens votes. Cebu province, 422,884 total partylist votes, ug sa senior citizens, 5,470 votes ra.
Cebu City,170,996 total partylist votes, pila ang senior citizens votes? 2,178 votes ra. Akong usbon, sa 2007 elections ni. Meaning, niining tuiga 2,178 ra kita ka senior citizens sa Cebu City? Sa Southern Leyte, 76,495 total partylist votes, senior citizens votes, 325.
Camiguin (ang gigikanan sa lamian nga lansones), 25,703 total partylist votes, sa senior citizens, 37 votes ra.
Tawi-Tawi, 92,355 partylist votes, senior citizens 53 votes ra. Sa local nga absentee voting, 33,848 partylist votes, ug lima ray nibotar sa senior citizens partylist.
Unsay atong masabot dinhi? Wala lang gayud kita magpakabana.’ Gibaliwala lang nato ang mga kahigayonan nga makapadala kita’g mga tinugyanan ngadto sa Lower House. Sayon ra unta kini nga atong ma-achieved. All we have to do is to unite apan lisud man lagi usahon kitang mga Pinoy. Busa, sayon, apan lisud. Di ba ta maka-put up og senior citizens partylist sa Central Visayas, for the 2025 elections? We still have plenty of time. The nominees may come from Cebu, Bohol, Negros Oriental, and Siquijor. But first, magsugod na ta’g pangita kinsay interesado ma-nominee.