CEBU, Philippines — Patay ang usa ka 49 anyos nga construction worker human kini giingong giunay pagdunggab sa iyang 53-anyos nga maguwang diha sa sa Sitio Langtad, Barangay. Mangga, Tuburan.
Ang biktima mao si Santiago Maano, samtang ang suspetsado mao si Eddie Polo Maano nga usa sab ka construction worker. Nahitabo ang krimen niadtong Miyerkules sa gabii ug adlaw na nga Huwebes gidakop ang suspek.
Base sa pasiunang imbestigasyon sa kapulisan sa Tuburan Police Station gisaka sa suspek ang biktima nga adtong tungora natulo ug gidiretso kii og dunggab sa makadaghang higayon.
Patay na pagabot sa Tuburan District Hospital ang biktima samtang niikyas ang suspek. Buntag na kini nasikop atol sa hot pursuit operation.
Wala pa matugkad sa kapolisan kun unsay hinungdan nga gipatay niini ang manghod. (BANAT NEWS)