CEBU, Philippines — Usa ka nikandidato pagkakonsehal sa Siyudad sa Talisay ang ni-withdraw sa iyang certificate of candidacy (COC).
Ang ni-withdraw mao si Kris Rhaian Bolo, kinsa nikandidato unta isip independete.
Si April Mae Gamboa, election assistant officer sa Talisay City Comelec nagkanayon nga wala nihatag si Bolo og rason sa iyang pagbakwi sa iyang kandidatura.
Sa pagkakaron, anaa na lang sa 24 ang kandidato nga magpapili pagkakonsehal sa sakbayan.
Giklaro ni Gamboa nga kutob lang sa alas 5:00 sa hapon sa Nobiyembre 15, 2021 ang pag-withdraw o pag-substitute sa mga nikandidato.
Ubos sa balaod, ang mga nakaduso sa ilang kandidatura gihatagan kutob sa Nobiyembre 15 niining tuiga sa pagbakwi o pagpapuli sa pagdagan og posisyon sa sunod tuig nga eleksiyon. —BDB (BANATNEWS)