_banat
^

Banat Balita

Pagpahigayon sa “Pasko sa Sugbo” tun-an pa

Sanden J. Anadia - Banat

CEBU, Philippines — Gitataw  sa chairman sa committee on peace and order sa Konseho sa Siyudad sa Sugbo nga si Konsehal Philip Zafra nga tun-an pa ang kalabot sa pagpahigayon og mga pasundayag  sa naandan na nga “Pasko sa Sugbo”.

Nasayran nga nitumaw ang mga pangutana kabahin niini sanglit nagkaduol naman ang buwan sa Disyembre.

Kahinumdoman nga gipakanselar ang maong kalihokan sa miaging tuig gumikan sa nagpadayon nga hulga sa COVID-19. Mao kini ang tinuig nga kalihokang kalingawan nga anha ipahigayon diha sa Fuente Osmeña Circle sa tibuok buwan sa Disyembre nga dagsaan sa mga tawo nga gusto mosaksi og mga pasundayag.

Matud pa ni konsehal Zafra nga mas maayo nga seguradohon ang kaluwasan sa publiko tungod kay anaa pa ang hulga sa coronavirus disease (COVID-19).

Hinuon gitataw sa konsehal nga bukas siya sa mga alternatibong kalingawan panahon sa Pasko sama sa online shows apan ilaha pa kini karong patun-an.

Manaa man o walay kalingawan, mabati gihapon sa mga Sugboanon ang Pasko tungod sa mga dayan-dayan alang sa pasko diha sa Fuente Osmeña Circle. Nasayran nga hinay-hinay na nga gisugdan ang konstruksyon sa higanteng Christmas Trees nga usa sa mga atangan sa mga Sugbuanon ug tangtangon lang hangtod na sa Enero panahon sa Sinulog. MEL (BANATNEWS)

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with