CEBU, Philippines — Patay ang usa ka 54 anyos nga lalaki, kinsa nagmaneho sa iyang motor human kini nibangga ngadto sa Elf Dump Truck sa may Barangay Binlod,
Lungsod sa Argao, niadtong Miyerkoles sa gabii.
Ang nakalas naila nga si Florencio Basalo, minyo ug residente sa may Inuboran sa Dakbayan sa Naga ug nagmaneho sa Black Smash Motorcycle.
Samtang ang driver sa Isuzu Dump Truck mao si Miguelito Tandigan, 42anyos, minyo, residente sa Barangay Taloot, Lungsod sa Argao.
Base sa initial nga pagsusi sa kapulisan sa Argao, giingong mikawat og lugar sa pikas karsada ang motorsiklo hinungdan nga milahos kini pagbangga ngadto sa sakyanan nga iyang gikasugat.
Ang biktima gidali pagdala sa Hospital sa Argao apan gideklarar kini nga dead on arrival. Suma pa ni Police Staff Sergeant Rolly Bonjoc, Desk officer sa Argao Police Station nga nagkasabot ra ang matag habig ilabi na kabahin sa
pagpahiluna sa patay nga lawas sa biktima. (BANAT NEWS)