P2.3M shabu nasakmit
CEBU, Philippines — Gibanabanang P2.38 milyones nga kantidad sa gituohang shabu ang nasakmit gikan sa usa ka high-value individual atol sa buy-bust operation niadtong adlaw nga Miyerkules diha sa dalan Tres de Abril, Barangay San Nicolas, Cebu City.
Ang mga sakop sa City Intelligence Unit-Cebu City Police (CIU-CCPO), City Drug Enforcement Unit (CDEU) ug Philippine Drug Enforcement Agency (PDEA) nakadakop kang David Entia, 27, residente sa maong dapit.
Matud pa si Entia makabaligya og tunga sa kilong shabu matag semana. Si Police Lieutenant Colonel Randy Caballes, pangulo sa CIU-CCPO mibutyag nga dugay ng gipanid-an si Entia human masige og gawas ang iyang pangalan gikan sa mga una nilang dinakpan.
Matud pa nga gikan sa usa inmate sa Cebu City Jail nga giila lang sa ngalan nga "Glenn" ang tinubdan sa suplay sa shabu ni Entia. Naghimo na karon og follow up operation ang kapolisan inabagan sa mga kadagkoan sa maong prisohan aron pagpangita sa maong inmate.— The Freeman/IBM
- Latest