CEBU, Philippines — Mga frontliners nga dako og papel sa pakigbatok sa COVID-19 ug mga kalamidad ang gipasidunggan sa Syudad sa Talisay.
Nag-una na dinhi ang City Disaster Risk Reduction and Management Office (CDRRMO) nga walay hunong ang pagserbisyo.
Si Mayor Gerald Anthony “Samsam” Gullas nagkanayon nga usa kini ka paagi sa ilang pagpasalamat sa mga tawo luyo sa buhatan sa CDRRMO pinangulohan ni Alvin Santillana.
Gihimug-atan sa mayor ang pakigbatok sa COVID-19 ug pagtubag sa mga dagkong pagbaha ug uban pang mga kalamidad.
Ang kalihukan gihimo atol sa katapusang adlaw sa pag obserbar sa Disaster Resilience Month.
Wa sab palutsa ang higayon ni Gullas nga makatunol og plake ngadto sa ubang ahensya sa gobyerno ug pribadong grupo nga nakatampo sa pagtabang panahon sa kalisod.
Samtang si Santillana nitataw nga dako og pagsaka sa ilang moral ang gihatag nga pagpasidungog, siya ug ang iyang mga sakop padayon sa ilang serbisyo hinungdan nga silang tanan fully vaccinated na.— MEL (BANATNEWS)