CEBU, Philippines — Ilusad sa Commission on Election ang mobile application aron paspas ang pagparehistro sa mga botante alang sa 2022 election.
Matud ni Atty. Lionel Marco Castillano, provincial election supervisor nga target nila nga ilusad sa Sugbo ang maong mobile app sa bulan sa Hulyo niining tuiga.
Ang maong mobile app makatabang kini aron mapaspasan ang proseso sa pagparehistro ug aron usab menos ang contact sa mga tawo nga moadto sa Comelec.
“Once you downloaded the app pwede na nga didto naka mo fill up sa imong application for voters registration. Ma fill-upan nimo tanan to, a QR code will be sent sa imoha unya that’s the time nga maka schedule naka, imo ra tong ipa scan ang QR code nga gi-issue didto automatic na to nga mo sulod sa among system dili na kinahanglan nga mo fill up og voters registration records kay pag scan ato mogawas to siya i-print out all you have to do is file”, pasabot ni Castillano.
Giklaro ni Castillano nga modawat gihapon sila og walk-in nga magparehistro sa Comelec.
Ang mobile registration form app mamahimong ma-download pinaagi sa link nga bit.ly/MobileFromApp ug pwede kining ma-share sa mga android smartphones pinaagi sa SHAREit o sa bisan unsa nga file-sharing application.
Ug kon ma-install na kini ang mga user mamahimong mo-apply sa voter registration nga dili na kinahanglan pa og internet connection.
Ang tumong sa Comelec nga masugdan na dinhi sa Sugbo ang paggamit sa maong mobile app sa bulan sa Hulyo karong tuiga. BDB (BANATNEWS)