CEBU, Philippines — Gimando ni Lapu-Lapu City Mayor Junard “Ahong” Chan ang Lapu-Lapu City Police Station nga palawman ang imbestigasyon may kalabutan sa pagpatay sa usa ka imam sa St. Michael, Barangay Pajac, Martes sa gabii.
Ang biktima giila nga si Cairoden Palman, 43, kinsa mao usab ang presidente sa Darusalam Urban Poor Association kon DUPA, usa ka Muslim community sa maong lugar.
Sumala pa sa mayor, adunay mga taho nga niabot kaniya may kalabutan sa pagpatay sa biktima apab wala siya modetalye bahin niini.
Ang kapulisan sa Mactan Police Station, padayon pa nihimo imbestigasyon pagtumbok kun unsa gyud ang motibo pagpataya kang Palman. Sakay sa tricycle ang biktima sa dihang gipusil kini sa duha ka wala mailhing mamumuno.— IBM (BANATNEWS)