CEBU, Philippines — Mihatag og P12 milyones nga financial assistance ang lokal nga kagamhanan sa Probinsya sa Sugbo ngadto sa Lungsod sa Balamban. Ang maong kantidad alang ni sa katukoran sa foot bridge o taytayan nga modugtong sa Barangay Ubogon sa lungsod sa Asturias ug sitio Ubogon Barangay Liki sa lungsod sa Balamban. Si Gobernador Gwendolyn Gacia maoy nitunol sa P12 milyones nga cheke ngadto kang Balamban Mayor Alex Binghay niadtong Abril 30, 2021 alang sa maong proyekto.
Nagpasalamat usab ang Mayor ngadto sa Kapitolyo hilabina nga matod pa dako ang matabang niini didto sa ilang lugar, partikular na sa mga tinun-an.
Matud ni Binghay nga adunay mga tinun-an gikan sa Lungsod sa Asturias nga adto mo skwela sa national high school sa Barangay Liki.”Kining maong tulay sa panahon sa ting baha ang mga estudyante intawon gikan sa Ubogon nga motungha sa high school sa Balamban dili gyud tawon makalabang” matud sa Mayor. Dugang ni Binghay nga kun mopugos og labang peligro kaayo alang sa kinabuhi sa mga tinun-an, hinungdan nga nangayo siya og pondo sa kapitolyo alang sa pag tukod sa maong taytayan. — /MEL (BANAT NEWS)