Chan walay ikahulip sa duha ka konsehal nga namatay

CEBU, Philippines — Giangkon ni Mayor Junard Ahong Chan nga dili makarekomendar ang iyang partido nga Partido Demokratiko Pilipinol- Lakas ng bayan (PDP-Laban) ngadto sa Malacañang og hulip sa namatay nilang duha ka mga konsehal.                               

Matud pa niya nga kini tungod kay ang duha ka mga konsehal nga namatay nga si Konsehal Marcial Ycong ug Jose Joe Dungog pulos man kaalyado sa Lakas-Kampi CMD sa ilang pagdagan isip konsehal, sa miaging piniliay.           

Ang Lakas-Kampi CMD maoy partikdo sa politika ni Kongresista Paz Radaza sa 2019 elections.                                       

Sa nasayran si Ycong namatay sa miaging Pebrero niining tuiga tungod sa heart attack ug namatay usab si konsehal Dungog niadtong Mayo 6, 2021 tungod sa liver cancer.                                

Si Mayor Chan miingon nga bisan si Ycong mibalhin na sa PDP-Laban sa wala pa siya mamatay apan gilatid sa balaud nga ang partido sa politika sa panahon sa iyang kandidatura mao gayod ang adunay katungod sa pagrekomendar og mohulip kaniya.                                     

Samtang si Konsehal Dungog nagpabilin kini sa iyang partido sa Lakas kampi CMD.                                      

“So ang party maoy magpili kun kinsa ilang ihulip, unya ang final appointment is from the Office of the President,” nagkanayon si Mayor Chan. MEL (BANATNEWS)