_banat
^

PCSO alkanse tungod sa ilegal STL

Iris Hazel M. Mascardo (Banat) - May 10, 2021 - 12:00am

CEBU, Philippines — Alkanse og kapin P10 milyones kada adlaw ang Philippine Charity Sweepstakes Office (PCSO) dinhi sa Sugbo tungod niining nangbutho nga mga Small Town Lotto (STL) booths bisan asang suok sa kabarangayan ug kadalanan.

Si PCSO General Manager Royina Garma atol sa press conference kaniadtong Biyernes miingon nga kadaghanan sa nakita niyang mga STL booths naa sa Mandaue ug Cebu City.

Nahibulong si Garma kun unsay gihimo sa mga kapolisan batok aning mga STL booths nga nag-operate nga unta wala nay prangkisang gihatag ang PCSO kanila.

Sumala pa niya, klaro kaayong ilegal kining mga nalabyan niyang STL booths diha sa kadalanan tungod kay sikit-sikit ug wala na moabot og 100 meters ang distansya matag usa.

Naghitak

“I’m asking the police to conduct or initiate the operations, because I am now clearing the Cebu City and Mandaue in preparation for the incoming of authorized agent that will be approved by the PCSO,”sigun ni Garma.

“(Sa) Cebu City ang dami, pati ‘yung distance na 100 meters wala na nga, ten meters may another booth, then another booth, so it’s very rampant,” dugang ni Garma.

Matud pa ni Garma, dili momenus P4 milyones ang ilang lugi sa usa ka adlaw sa Dakbayan sa Mandaue lang, samtang mas dako ang sa Cebu City nga moabot og P8 milyones ngadto sa P10 milyones kada adlaw.

Ang STL operators dunay kontratang gipirmahan tali nila ug sa PCSO nga sila makabaligya og number combinations nga bolahon sa lokal lamang ug dili base sa resulta sa PCSO sa nasudnong pagbola.

Bugtong ang mga otorisadong PCSO outlets lang maoy gitugtang makabaligya sa tanang numbers games sa PCSO sama sa Swertres, 2-Digit lotto, 4-Digit Lotto, 6/42, 6/52, 6/55 , 6/58 Lotto draws  ug uban pa.

Apan matud pang Garma, kining mga STL booths dinhi napaso na ang kontrata apan nibaligya aning Swertres apan ang halin adto lang padung sa bulsa sa gambling lords.

“So kahapon nung nag-ikot ako, may mga STL pa rin, it appears to be STL pa rin in Mandaue City, eh ang Mandaue, terminated na ang STL diyan, so dapat wala ng lottery games diyan except lotto (PCSO),” dugang niya.

Way aksyon ang polis

Base sa nakita ni Garma misanay kining mga ilegal STL booths tungod sa kahaguka sa lokal nga kapolisan.

“That’s it. Yun lang naman. Hindi naman sa disappointed, siguro the efforts are not enough so medyo bigyan natin ng push, and when you say push, there should be without fear and favor na enforcement,” dugang ni Garma kinsa kanhi hepe sa Cebu City Police Office sa wala pa siya gibutang sa PCSO.

Ang hepe sa PRO-7, si Police Brigadier Ronnie Montejo sa iyang bahin miingon nga padayon ang mga operasyon sa PNP kontra sa tanan nga klase sa iligal nga sugal.

“Kung may nakikita yung mga tropa natin na naglalaro, hinuhuli talaga..marami na kasi halos araw-araw nababasa ko sa [reports] na meron na apprehensions yung mga unit natin sa entire Central Visayas,” sigun ni Montejo.

Apan base sa mga nanggawas nga balita, sagad nga nangasikop mga ushers lang, tigbakay, mahjong, tong-its ug walay gipangsakmit nga mga STL booths diha sa kadalanan.

Papel sa LGU

Si Garma miingon nga wala na nakabayad ngadto sa PCSO ang STL sa Cebu City maong giputol na ang kontrata apan mas midaghan hinuon ang mga STL booths karon itandi sa kaniadto.

Nakigtagbo na si Garma kang Cebu City Mayor Edgar Labella ug gituki kining maong problema bahin sa STL sa rehiyon sanglit ang mayor man maoy chairman karon sa Regional Peace and Order Council 7.

Daan ng gimandoan ni Labella ang CCPO nga moduso og weekly report kabahin sa ilang mga operasyon  paggukod sa mga ilegal nga sugal sa siyudad.

Gimandoan usab niya si city legal officer Rey Gealon nga pasakaan og kaso ang mga nalambigit sa illegal nga sugal.

Naabot sa atensyon sa mayor ang impormasyon bahin sa paghitak aning mga  STL booths sa mga kilid sa kadalanan ug suok nga bahin sa mga barangay.

Una na sab nga misuwat si  Kapitan Marciano Ando sa Barangay Carreta diha kaniya nga nireklamo batok aning daghang STL booths diha sa iyang barangay.— Sanden Anadia/IBM (BANATNEWS)

PCSO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with