CEBU, Philippines — Nahimuot si Gobernador Gwendolyn Garcia sa iyang pagbisita sa Dakbayan sa Talisay nga nakita ang plant nursery nga ilang ilang giugmad.
Kini gumikan kay imbis plant nursery lang kini aduna nasab kini gamay nga poultry ug aquaponics.
Si Bernardo Quijano, City Agriculturist niingon nga aduna silay seedlings para sa mga mamunga og prutas sama sa grapes gawas sa mga utanon ug herbal nga tanom.
Ang aquaponics mao ang 500 ka mga tilapia ug hito.
Samtang ang poultry gipaabot nga makahatag og piso nga i-apod ngadto sa 22 ka barangay sa Talisay.
Nahimutang ang ilang plant nursery ug uban pa diha sulod sa compound sa Talisay City Hall.
Nalipay ang gobernador human sa iyang pagbisita sa Syudad sa Talisay diin ilang gitrabaho ang programa nga Sugbosog sa kapitolyo. —MEL (BANATNEWS)