CEBU, Philippines — Wala sa hustong pangisip ang niguba sa mga gipapilit nga decals alang sa selebrasyon sa ika-500 nga kasumaran sa Kristiyanismo nga gipapilit sa mga haligi sa Marcelo Fernan Bridge sa Dakbayan sa Lapu-Lapu.
Si Mayor Junard Chan mibutyag nga ang tawo nga mipasipala ug miguba sa Artworks usa ka babaye nga 20anyos ug adunay problema sa pangisip.
Matud niya nakuha sa footage sa CCTV sa lugar ang gibuhat sa maong babaye. Apan tungod sa kahimtang niini dili kini pakasohan ni Chan. Apan gimandoan sa mayor ang kapolisan sa siyudad ug mga opisyal sa kabarangayan pagbutang og mga bantay diin gipamutang ang mga decals. —IBM (BANATNEWS)