CEBU, Philippines — Mobalik ang regular nga trabaho sa mga buhatan sa gobyerno dinhi sa Dakbayan ug Probinsya sa Sugbo unya sa Lunes, Marso 5, 2021 subay sa kasaulogan sa semana santa.
Kagahapon gipatuman ang half day sa trabaho sa mga buhatan sa siyudad ug lalawigan sa Sugbo aron kahatagan og higayon ang mga kawani nga maka-obserbar sa semana santa ug makapauli sa ilang mga lugar.
Nagpagawas og Memorandum 104-03-2021 si Cebu City Administrator Atty. Floro Casas Jr. alang sa tanang empleyado, Department Head o Office Head sa Cebu City Hall labot sa half day work schedule.
Kini aron paghatag sa mga kawani sa Cebu City Government nga maka-preparar sa taas nga bakasyon subay na sa pag-obserbar sa Holy Week.
Apan kadtong mga buhatan nga dunay field personnel magpabilin og skeletal workforce aron dili sab mabalda ang serbisyo sa gobyerno. Ang ubang mga LGUs sama sa Santander nipagawas usab og memorandum ug advisory kabahin sa ilang work schedule. —Le Phyllis F. Antojado/MEL (BANATNEWS)