CEBU, Philippines — Gipahibawo ni Cebu City Mayor Edgardo Labella nga 90 porsyento na nga nahuman ang installation sa digital traffic lights alang sa Cebu City.
Ang Department of Engineering and Public Works mipahibawo usab nga operational na sab ang maong mga traffic lights sa pipila ka intersection sa siyudad.
Nagkanayon si Mayor Labella nga gipatuman nila ang pag upgrade ug modernization sa traffic infrastructure sa siyudad pinaagi sa joint venture sa Cylix Technologies Inc. ug Truine Electronic Systems Inc. aron pagpalambo sa trapiko ingon man kaluwasan ug seguridad sa publiko.
"They are now finishing the installation of traffic lights and conduits in the underground fiber optic network along P. del Rosario St. and the routes from Robinsons Fuente to Robinsons Galleria and from Radisson Blu to Landers", suma ni Labella.
Kun ang tanang digital traffic lights mapahimutang na nga naglangkub sa 18 ka areas o intersections sa Cebu City, isunod usab dayon ang pagpalambo sa Command Center nga maoy mamahimong central hub alang sa nagkadaiyang ahensya nga nagdumala sa traffic management dinhi sa Dakbayan sa Sugbo. —MEL (BANATNEWS)