_banat
^

Mga kapitan gihagit ni Cimatu

Caecent No-ot Magsumbol (Banat) - January 27, 2021 - 12:00am

CEBU, Philippines — Gihagit ni Environment Secretary Roy Cimatu ang mga opisyales sa kabarangayan sa Cebu City nga pahugtan og balik ang pagpatuman sa mga health and quarantine protocols kung dili sila gusto mobalik sa uno ang siyudad.

Matud ni Cimatu, kun nabuhat kini kaniadto way rason kun nganong di kini mahimo karon.

Si Cimatu mipaabot niining iyang hagit pinaagi sa pakigpulong niini sa mga kapitan pinaagi sa Zoom. Kahinumdoman nga nahimong epicenter sa Covid-19 ang siyudad tungatunga sa miaging tuig apan sa dihang gipahugtan ang quarantine protocols napugngan kini.

Apan karong tuiga, human sa mga okasyon sa Pasko, Bag-ong Tuig ug Pista Senyor, nisaka pagbalik ang mga kaso.

Kauban ni Cimatu sa maong virtual conference sila si Bise Mayor Michael Rama, Deputy chief implementer sa City of Emergency Operations, Konsehal Joel Garganera ug ang nagpatuman sa IATF Visayas nga si Ret. Major General Melquiades Feliciano, Dr. Peter Mancao ug usa ka representante sa City Administrator nga si Floro Casas, Jr.

Si Rama kinsa chairman sa siyudad sa committee on health naghangyo alang sa interbensyon ni Cimatu tungod kay nabalaka kini niining subling pagsaka sa mga kaso sa siyudad.

Niadtong Enero 25, ang Department of Health-VII nakatala og 955 ka mga kaso ang Cebu City lakip ang 70 nga bag-ong mga kaso.  Sa kaugalingon nga datos sa EOC, nakumpirma nila ang 942 nga mga kaso.

Ang mga kaso nagagikan sa 61 sa 80 ka mga barangay sa siyudad. Ang orihinal nga plano, kadto rang mga kapitan sa Top 10 barangays nga dunay daghang kaso maoy gipatawag sa maong tigum, apan tungod sa pagtala og mga kaso sa uban sab nga mga barangay gipatawag nalang ang tanang mga kapitan.

 “Oo, gi-challenge mi niya na kung nahimo namo sa una, mahimo pud namog balik karon or else, basin balik ta ani sa sinugdanan bisan wa siya ning-lockdown, pero unsa man diay atong sinugdanan?,” matud ni Guadalupe barangay captain Michael Gacasan sa Banat News.

Si Gacasan miingon nga buot ni Cimatu pahigpitan ang mga utlanan sa mga barangay ug pagbadlong gyud sa mga tawong  di magsuot og face mask , face shields, social distancing ug regular nga pagpanghugas sa kamot ug uban pa.

Ang Guadalupe ang adunay kinadaghanang aktibo nga kaso karon sa 57.

Si Feliciano, sa iyang bahin, nipahinumdom sa mga opisyal sa barangay nga sundon ang “playbook” sa lungsod sa Covid kung unsaon pagpugong ang virus.

Si Rama miingon usab nga kinahanglang magdugang pagbalik og mga sakop ang EOC sama sa miaging tuig.

Sa datos usab sa DOH, ang Lapu-Lapu adunay nadugang nga upat ka kaso, nga naghimo niini 119 nga aktibo nga kinatibuk-ang kaso samtang ang Mandaue adunay 235 lakip ang 14 nga bag-o.

Alang sa mga probinsya sa ilawom sa Central Visayas, ang Negros Oriental adunay 723 nga kaso, sa Lalawigan sa Cebu nga adunay 537, ang Bohol adunay 22 ug Siquijor nga adunay 3 .— Decemay Padilla. Le Phyllis Antojado/IBM (BANATNEWS)

ROY CIMATU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with