CEBU, Philippines — Ang tigpamaba sa Department of Health (DOH)-7 Mary Jean Loreche nagkanayon nga taliwala sa nagsaka nga kaso sa COVID-19 ang hulga sa variants dili layo nga moigo kanato.
Matud ni Loreche nga ang pagpatuman sa health protocols responsibilidad kini sa tanan tungod kay ang virus wala kini pillion nga tawo.
Si Cebu City Councilor Joel Garganera, chief implementer sa Emergency Operation Center nagkanayon nga sa nagsaka nga kaso sa COVID-19 sa siyudad anaa na sila sa hustong poisyon sa pag-address niini kompara sa nilabayng pito ka buwan.
“We have the logistics, infrastructure and experience to control this”, matud ni Garganera.
Niadtong buwan sa Disyembre sa nilabayng tuig, matud ni Garganera nga si Mayor Edgardo Labella nisuspenso sa ubang mga restriction ubos sa iyang panglantaw nga ang mga tawo magbaton og kaugalingong disiplina pagtuman sa new normal.
“As it turned out we are far from it. Now we’re experiencing the fruit of all those movement in unregulated gatherings. So, we in the Cebu City EOC with the police and all clustered groups, while we can contain this, we can’t allow this go on. So we have to be uncompromising in the enforcements of all these health protocols”, ni Garganera pa.
Sa laing bahin, bisan sa nagsakang kaso sa COVID-19 sa Dakbayan sa Lapu-Lapu, si Mayor Junard “Ahong” Chan nihimakak sa nikatap nga taho diha sa social media nga ang siyudad ipaubos sa enhanced community quarantine (ECQ).
Si Chan niawhag sa netizens sa pagtaho ngadto kaniya sa nipakatap sa maong fake news aron iyaha kining mapasakaan og kaso. —The Freeman/BDB