CEBU, Philippines — Gihangop ni Mayor Edgar Labella ang Cebu City Environment and Natural Resources Office (CCENRO) gumikan sa subsob nga mga programa niini alang sa pagprotektar sa kalikupan.
Nasayran nga nagmalampuson ang mga tinugyanan niini sa pagpananom og mga bakhaw sa niaging adlaw diha sa pipila ka bahin sa South Road Properties (SRP). “Taking care of our natural resources is essential to Cebu City’s development and our survival. I am glad to see that our Cebu City Environment and Natural Resources Office is doing good work in conserving and preserving our environment”, matud ni Labella.
Si Labella nagkanayon nga dili lang ang gobiyerno ang dunay katungdanan sa pagpreserba sa kalikupan lakip na ang komunidad.
“Buhaton nato ang atong bahin sa pagpanalipod sa kalikupan”, dugang ni Labella.
Gawas sa pagpanom og bakhaw gipasigarbo usab sa CCENRO ang aktibo nilang pagpanom og mga kahoy diha sa kabukiran. –BDB (BANATNEWS)