CEBU, Philippines — Nikabat ngadto sa 35 ang nadugang nga kaso sa COVID-19 sa Central Visayas base sa Nobiyembre 17, 2020 nga datos sa Department of Health (DOH)-7.
Sa mga bag-ong kaso 12 ang gikan sa Siyudad sa Sugbo, tag tulo ang Dakbayan sa Lapu-Lapu, Probinsiya sa Bohol ug Negros Oriental ug 14 sa Probinsiya sa Sugbo.
Ang Central Visayas aduna kini 1,068 ka active cases karon ug 20,921 ang kinatibuk-ang gidaghanon sa recoveries lakip na niini ang 22 nga ulahing nadugang.
Ang cumulative total sa COVID-19 sa Central Visayas anaa sa 23, 363 diin 1,374 ang natala nga namatay.
Nunot niini, ang Siyudad sa Sugbo adunay 10,481 ka kinatibuk-ang kaso diin 282 niini ang active cases.
Ang siyudad aduna kini 9,516 ka kinatibuk-ang recoveries lakip na niini ang walo nga ulahing nadugang ug 683 ang kinatibuk-ang gidaghanon sa mga namatay.
Walay natala nga bag-ong kaso sa COVID-19 sa Dakbayan sa Mandaue diin aduna kini 2,618 ka kinatibuk-ang kaso diin 61 niini ang active cases.
Nikabat ngadto sa 2,393 ang recoveries sa siyudad lakip na niini ang ulahing tulo nga nadugang ug 164 ang kinatibuk-ang namatay.
Samtang ang Dakbayan sa Lapu-Lapu City aduna kini 2,543 ka kinatibuk-ang kaso diin 94 niini ang active cases.
Ang siyudad aduna kini 2,341 ka recoveries ug nagpabilin sa 108 ang gidaghanon sa mga namatay. —Decemay P. Padilla/BDB (BANATNEWS)