CEBU, Philippines — Temporaryong gisirad-an sa Lungsod sa Samboan ang ilang Rural Health Unit sa Barangay Poblacion sugod kagahapong adlawa human usa sa ilang mga sakop ang napositibo sa Covid-19 ug duna pay laing kawani sa lungsod ang positibo sab.
Sa post sa official Facebook page sa lungsod kagahapong sa buntag gibutyag nila nga nadawat na nila ang resulta sa swab test ug pipila sa ilang health workers ug empleyado ang positibo sa maong virus.
Wala hinuon mohatag og datos ang advisory kung pila ka buok sa ilang mga personnel ang apektado sa Covid-19. Apan silang tnan gipaubos na sa quarantine alang sa monitoring.
Lakip sa gisirhan naglakip sa birthing home ug laboratory services sa RHU.
Giawhag sa lokal nga pangagamhanan nga tanang mga emergency ug urgent medical concerns ilahos ngadto sa mga district hospital sa pagkakaron. —IBM (BANATNEWS)